తెలంగాణ సీనియర్ వాటర్ పోలో జట్టుకు అనిరుధ్ ఎంపిక
Venkat Kommineni
·
·
167 వీక్షణలు
హైదరాబాద్,జూన్ 4:తెలంగాణ రాష్ట్ర సీనియర్ వాటర్ పోలో జట్టుకు ఎల్. అనిరుధ్ ఎంపికయ్యారు. ఇటీవల అంబర్పేట్లోని జీహెచ్ఎంసీ స్విమ్మింగ్ పూల్లో నిర్వహించిన 11వ తెలంగాణ సీనియర్ ఇంటర్ డిస్ట్రిక్ట్ స్విమ్మింగ్ ఛాంపియన్షిప్లో భాగంగా జరిగిన ఎంపిక ట్రయల్స్లో ఆయన ప్రతిభ కనబరిచి రాష్ట్ర జట్టులో స్థానం దక్కించుకున్నారు.
ఎల్. అనిరుధ్ ఎంపికపై స్ట్రోక్స్ స్విమ్మింగ్ స్కూల్ యజమాని చెరుకూరి భరత్, వినయ్, ఇన్చార్జ్ ప్రసాద్, స్ట్రోక్స్ హెడ్ కోచ్ & మేనేజర్ ముక్తార్ అహ్మద్, గచ్చిబౌలి ఆక్వాటిక్ స్టేడియం కోచ్ తిరుపతి హర్షం వ్యక్తం చేస్తూ అభినందనలు తెలిపారు.
కాగా, జూలై 7 నుంచి 12 వరకు చెన్నైలోని ఎస్ఆర్ఎం ఐఎస్టి, కట్టాంకులతూర్లో గల డా. టీ.కే. పారివేదర్ ఆక్వాటిక్ కాంప్లెక్స్లో జరగనున్న 79వ సీనియర్ నేషనల్ ఆక్వాటిక్ ఛాంపియన్షిప్ (వాటర్ పోలో) పోటీల్లో అనిరుధ్ తెలంగాణ రాష్ట్రానికి ప్రాతినిధ్యం వహించనున్నారు. ఆయన జాతీయ స్థాయిలోనూ రాణించి రాష్ట్రానికి కీర్తి తీసుకురావాలని క్రీడా వర్గాలు ఆకాంక్షిస్తున్నాయి.
